Irakasle bila gabiltza AEKn!

 

 👩‍🏫AEKn, irakasle lan-poltsa osatu nahi dugu ikasturteko beharrei erantzuteko.
✍️Gurean lan egin nahi baduzu, bidali CVa eta bete galdetegia:
ℹ️ https://labur.eus/lanpoltsa_w
😉Lagundu informazioa zabaltzen, mesedez.

Pintxo lehiaketa Barakaldoko AEKn

 

 

San Bizente auzoko jaiak direla aprobetxatuz, euskaltegian pintxo lehiaketa bat antolatu dugu ikasle eta irakasleok euskara praktikatu eta ondo pasatzeaz gain, sabelak ere ederki bete ditzagun.

Urtarrilaren 23ean, bi txanda egongo dira: goizean 10:00etan eta arratsaldean 19:00etan. Pintxoak aurkeztu eta sukaldari finenak zeintzuk izan diren adieraziko dugu. Kontuan hartu pintxoak hotzak izan behar direla eta gehienez osagai bakarra prestatuta ekar daitekeela. Hots, pintxoak euskaltegian bertan egin behar dira, ez etxean.

Euskaltegiko ikaslea ez bazara ere, lehiaketan parte har dezakezu, edo besterik gabe, sortuko den giroaz gozatzera etor zaitezke.

 

MINTZATALDEAK ZAIN DITUZU

 

2. AUKERA

2025EKO ERRONKA: EUSKARAZ GEHIAGOTAN EGITEA. 💪🙂

Urte berriarekin batera berriz zabaldu da mintzapraktika taldeetan parte hartzeko aukera. Beraz, oraindik izena eman ez baduzu, bete fitxa hau> http://emanizena.praktikatu.eus/
euskara ZU zara

Lagundu zabaltzen!

Olentzerio edo Mari Domingiri gutun lehiaketaren irabazleak eta gabonetako saskiaren zozketa!

GUTUN TXAPELKETA

Abenduaren 19an gutun lehiaketa ospatu genuen bai arratsaldean bai goizean, eta talde bakoitzean hiru irabazle egon ziren:

Goizeko festan, hirugarren saria Nereak, Marik, Isak eta Naiarak irabazi zuten baina ezin izan ziren festara etorri. Hala ere, saria haiena da: berbalaguneko materiala.

 

Bigarren saria Mayte Aldamek irabazi zuen, eta honek ere berbalaguneko materiala eskuratu zuen.

 

 

Lehen saria Susana Santiagok irabazi zuen eta Foruko Barnetegirako opari bonoa irabazi zuen. Hurrengo bideoan bere gutuna entzun ahal duzue:

 

 

 

Arratsaldeko festan, hirugarren eta bigarren sarien irabazleak gau eskolako bi ikasle izan ziren, baina zoritxarrez, ez ziren festara etorri. Hala ere, hirugarren sariaren gutuna bere ikaskide batek irakurri zuen eta hemen daukazue bideoa:

 

Era berean, bigarren sariaren gutuna Garazik irakurri zuen. Biek berbalaguneko materiala irabazi dute.

 

 

Lehen saria Beatriz Colventek irabazi zuen eta bideoan bere gutuna irakurtzen digu. Beak Foruko Barnetegirako opari bonua irabazi zuen.

 

 

 ZORIONAK IRABAZLE GUZTIEI!

 

GABONETAKO SASKIAREN ZOZKETA

 

Goizeko festan egin zen zozketa eta 100 zenbakiak eskuratu zuen saskia. Hona hemen irabazlearen esker hitzak:

 

 

Eskerrik asko zuen parte hartzeagatik! Hemen dituzue festan ateratako argazki batzuk:

 

GABONETAKO SASKIA!

Zer topatuko duzu saskian?
Urdaiazpikoa, gazta, turroiak, cava, polboroiak, mantekadoak…

Zenbat balio du zenbaki bakoitzak?
2€ 

Nola parte hartu?
Argazkian agertzen den koadroa euskaltegian dago. Idatzi zure izena aukeratutako koadroan eta esan zure irakasleari zenbakia hartu duzula. Berak jasoko ditu zure 2 euroak eta zigilua jarriko du. 

 

Zozketa abenduaren 19an egingo da, gutun lehiaketan.

Animatu eta parte hartu!

 
Zorte on denoi! 

 

BARAKALDOKO BERBALAGUN TALDEA EITBN

Abenduaren 3an Euskararen Nazioarteko Eguna ospatu zen, eta Barakaldoko Berbalagun taldeari erreportajea egin zioten EITBkoek.  

Barakaldoko Berbalagun ekimenak euskararen erabilera eta praktika bultzatu nahi du. Beraz, gogoratu: euskara praktikatu nahi baduzu, baina ez badaukazu norekin egin; edo euskalduna izanda euskaraz bizitzeko aukera berrien bila bazabiltza, hainbat proposamen dauzka Berbalagunek zuretzat (mintzataldeak, gurasolagun, ekintzak, xede taldeak, abantailak...).

Informazioa eta izen ematea:

- 678 626 567

- praktikatu.eus/blog/barakaldo

- barakaldo_berba@aek.eus

  

 

#berbalagun #euskarazuzara #lagunartean

GABONETAKO TXAPELKETA!

Olentzero eta Mari Domingi heltzear daude! Anima zaitez eta parte hartu gure gutun txapelketan!