Eman pausoa euskarara: A0tik B1era 120 €-ren truke

Euskara ikasteko edo zure maila hobetzeko asmoa baduzu, aurten aukera paregabea duzu. Barakaldoko AEKn A0tik B1era bitarteko ikastaroak 120 €-ren truke egin ditzakezu.

Gure ikastaroak maila guztietara egokituta daude, eta ordutegi aukera zabalari esker, ikasketak zure egunerokoarekin uztartu ahal izango dituzu. Irakasle adituak, talde txikiak eta metodologia praktikoa izango dituzu lagun, euskara modu eraginkorrean ikasi eta egunerokoan erabiltzeko.

Ez utzi aukera hau pasatzen. Zatoz AEKra eta eman lehen pausoa edo jarraitu zure euskara bidean.

Informazio gehiago eta izen-ematea:

• San Bizente 11
• 688 746 484
• barakaldo@aek.eus

Aurten, euskarari bai. Zure lekua Barakaldoko AEKn dago!

Berbalagun Jaia: euskaraz gozatzeko hitzordua!

 

Barakaldoko Berbalagun egitasmoak ikasturte amaierako jaia antolatu du, euskararen inguruan sortutako komunitatea elkartu eta ospatzeko. Hitzordua ekainaren 26an, ostiralean, izango da, 19:30etik 21:30era, AEKren egoitzan.

Urtean zehar Berbalagunek aukera eskaintzen du euskara erabiltzeko, hizkuntza-ohiturak indartzeko eta harreman berriak sortzeko. Jai hau, hain zuzen ere, egitasmo horren emaitza eta ospakizuna izango da: euskaraz bizitzeko eta partekatzeko gune irekia, hurbila eta atsegina.

Ekitaldian musika, janaria, edaria eta hainbat sorpresa izango dira. Baina, batez ere, euskararen inguruan elkartzeko eta une atseginak partekatzeko aukera izango da. Berbalaguneko partaideak ez ezik, euskararekiko interesa duen edozein lagun ere gonbidatuta dago.

Euskara erabiltzeko espazioak sortzea eta hizkuntza kalean, aisialdian eta eguneroko harremanetan presente egotea da Berbalagun egitasmoaren xede nagusietako bat. Horregatik, jai hau aukera ezin hobea da euskaraz aritzeko, jende berria ezagutzeko eta komunitatearen parte sentitzeko.

Animatu eta etorri gurekin ikasturtea giro onean agurtzera.

Izena emateko edo informazio gehiago jasotzeko: 678 626 567

Euskara zu zara! Zatoz eta gozatu euskaraz!

ETOR ZAITEZ GUREKIN EUSKARA IKASTERA!

                 

EUSKARA IKASI 2026-2027 IKASTURTEAN!

Euskara ikasi, hobetu edo praktikatu nahi duzu? Barakaldoko AEKn aukera ugari dituzu: euskalduntze ikastaroak, talde murriztuak, mintzataldeak, trinkoak, jardun bikoak eta B2-C1 prestaketa.

Aurrematrikula zabalik!

Aurrematrikulatzeak abantaila garrantzitsuak ditu:
- Aurtengo prezioari eustea (diruz lagundutako ikastaroetan izan ezik).
- Ordainketa malguagoa izatea.
- Lehentasuna taldeak eta ordutegiak osatzeko garaian.
- Zure beharretara egokitutako eskaintza antolatzen laguntzea.

Zure ordutegira edo beharretara egokitzen den talderik ez baduzu aurkitzen, etorri euskaltegira eta hitz egin gurekin. Eta dagoeneko talde bat osatuta baduzue, zuen proposamena kontuan hartuko dugu hurrengo ikasturteko taldeak antolatzerakoan.

Lekua: Barakaldoko AEK (San Vicente Kalea 11)
Telefonoa: 688 746 484
E-posta: barakaldo@aek.eus

Euskara zurekin hasi daiteke aurten. Egin aurrematrikula eta eraiki dezagun zuretzako talde egokiena!

¡APRENDE EUSKERA EN EL CURSO 2026-2027!

¿Quieres aprender euskera, mejorar tu nivel o ganar soltura al hablar? En AEK Barakaldo encontrarás diferentes opciones: cursos de euskaldunización, grupos reducidos, grupos de práctica oral, intensivos, semipresenciales y preparación de B2 y C1.

¡Estamos en periodo de prematrícula!

La prematrícula tiene varias ventajas:
- Mantener el precio actual del curso (excepto en los cursos subvencionados).
- Disfrutar de una mayor flexibilidad en el pago.
- Tener preferencia a la hora de formar grupos y organizar horarios.
- Ayudarnos a diseñar una oferta más ajustada a las necesidades reales del alumnado.

¿No encuentras un grupo que se adapte a tu horario o necesidades? Pásate por nuestro euskaltegi y habla con nosotras/os. Y si ya tenéis un grupo formado, mejor todavía: venid a comentárnoslo. Estudiaremos vuestra propuesta y la tendremos en cuenta a la hora de organizar los grupos del próximo curso.

Lugar: Barakaldoko AEK (Calle San Vicente 11)
Teléfono: 688 746 484
Email: barakaldo@aek.eus

Este puede ser el año para dar el paso al euskera. ¡Haz tu prematrícula y ayúdanos a crear el grupo que mejor se adapte a ti!

UDAN ERE EUSKARAZ, UDAN ERE BERBALAGUN!

 

 

 

Udan ere mintzataldeak osatuko ditugu, uztailean eta abuztuan; euskaraz praktikatu nahi izanez gero, aukera duzu hil batean edo bietan parte hartzeko.

Mintzapraktika taldeak ordutegi, adin eta zaletasunak kontuan hartuta sortzen ditugu, ahal dela, zure beharretara egokitzen saiatzen gara. Taldekideek erabakitzen dute zertarako elkartuko diren: paseatu, kirola egin, mendira joan, kafea hartu... Parte hartzea DOHAINIK DA!

Izen-ematea, ekainaren 17a arte.

Eman izena: https://emanizena.praktikatu.eus/ 

Udako irakurle kanpaina Barakaldoko AEKrekin

  

Azken nobedadeak irakurri nahi al dituzu euskaraz eta merkeago? AEK-k aukera emango dizu udako irakurle kanpainaren bidez. Hurbildu euskaltegira eta xehetasun guztiak emango dizkizugu. Eskaera egiteko epea maiatzaren 27an amaituko da.

Liburuak irakurriz eta irakurriz dena ikasten zela uste zen antzina. Gaur egun badakigu den-dena ez dagoela liburuetan; euskara ikasteko ere liburuak baino gauza gehiago behar ditugu, bai. Halere, liburuek hortxe jarraitzen dute eta, guzti-guztia ekarri ez arren, kontu ugari aurkituko dituzu.

Batzuek euskara ikasten lagunduko dizute: euskaraz idatzitako istorioek, historiak eta poemek. Horietan, benetako eta fikziozko euskaldunak zuri mintzatuko zaizkizu liburuetako hitzen bidez, eta irakurriko dituzu hainbat izen, aditz, berba, pasarte eta paragrafo zuretzat patxadaz prestatuak, patxadaz irakur ditzazun.

Beste batzuek, berriz, euskara ikasten ari zarela ahantzaraziko dizute. Ezagutuko dituzu lekuak, pertsonak, istorioak eta sentimenduak: poza, beldurra, barrea, harridura… Murgilduko zara letren itsaso batean, eta hantxe gozatuz euskara ikasiko duzu euskara ikasten ari zarela ahaztuta.

Aurrematrikulak abian AEKn. Baliatu zaitez abantailez!

 

 

Datorren ikasturtean, 2026/27 ikasturtean, euskara ikasten jarraitu edo euskara ikasten hasi nahi baduzue, aprobetxatu AEKren matrikulazio eskaintza berezia (AEK-ko ikasleek zein ikasle ez direnek balia dezakete aukera).

Webgune HONETAN nahiz AEKren edozein euskaltegitan egin daiteke!!

Aurrematrikula ekainaren 30a baino lehen  egiten dutenek honako onura hauek izango dituzte:

• Ikasturte honetako (2025/26) prezioari eutsiko zaio  
•  Ordainketa malguagoa, epe bat gehituta ohiko ordainketa epeei
• Lehentasuna taldeak eratzeko orduan

 2026/27 ikasturterako eskaintza zabala:

• Goizez, eguerdiz eta arratsaldez 
•  Talde bereziak
•  Mintzataldeak
•  Jardun biko ikastaroak
•  B2 eta C1 prestaketa

Eta ondo datorkizun ordutegia ez badago, etorri euskaltegira eta gurekin hitz egin.

Izen-emateak eta informazioa: AEKren edozein euskaltegitan (Barakaldoko AEKren telefonoa eta e-posta: 944 372 087 · 688 746 484 eta barakaldo@aek.eus). Bizkaiko AEK:  673 200 100 · 946 464 000.

Aurrematrikularen prezioa (lehenengo ordainketa): 100 euro. A1 mailako ikasleek eta C1 mailako ikasleek (bigarren kasu honetan, 16-18 urte bitartekoak baino ez) 20 euro ordainduko dute. A2 mailarako dirulaguntza berriak egongo dira aurten.

Oharra: Ikastaroa ez egitea erabakitzen baduzu, aurrematrikularen %100 itzuliko dizugu ikastaroa hasi baino lehen jakinaraziz gero. Behin ikastaroa hasita, matrikula itzultzeko ohiko baldintzak aplikatuko dira.

Barakaldoko bideoak: Korrika kilometroz kilometro

Korrikak irudi hunkigarriak utzi ohi ditu Euskal Herri osoan, baita Barakaldon ere. Hona hemen Hamaika telebistaren bidez lortutako bideoak:

2209 kilometroa. Argitan Emakumeentzako Aholku Etxea:

2210 kilometroa. Barakaldoko Udala eta Bizkaiko Foru Aldundia:

2211 kilometroa. Barakaldoko Ezker Abertzalea:

2212 kilometroa. Ibarra-kaldu, Beurko BHI, Ibaibe, Bagatzako Jai Batzordea eta Zirkodromoa:

2213 kilometroa. San Bizenteko Jai Batzordea:

2214 kilometroa. Centro Galego, Ibarreta eta FP Barakaldo LH:

 

2215 kilometroa. Erreka-Ortu Euskal Dantza Taldea eta Goiztiri:

2216 kilometroa. Urdingorri IGK eta Gurutzetako Jai Batzordea:

 

2217 kilometroa. Ezkerralde-Enkarterri-Gurutzetako ESIA:

2218 kilometroa. Llanoko talde eta elkarteak:

2219 kilometroa. Lutxanako elkarteak:

2220 kilometroa. Arrontegiko auzoa:

2221 kilometroa. Ekologistak Martxan eta Barakaldo Shararekin SALAM: